សុខភាព៖ វេជ្ជបណ្ឌិតបានឱ្យយោបល់ថាអ្នកជំងឺទឹកនោមផ្អែមគួរពិចារណាការដេកយប់ដោយបើកភ្លើង។ អ្នកស្រាវជ្រាវមកពីសាកលវិទ្យាល័យ(Cardif) ជឿជាក់ថាការដេកក្នុងបន្ទប់ដែលភ្លឺល្អអាចជួយបង្ការការចាប់ផ្ដើមវាយប្រហារនៃ ជំងឺភ្នែកដ៏ធ្ងន់ធ្ងរអ្នកជំងឺទឹកនោមផ្អែម។ ម្នាក់ក្នុងចំណោមអ្នកជំងឺទឹកនោមផ្អែម១០នាក់តែងត្រូវប៉ះពាល់ដោយជំងឺលើរើទីនភ្នែក (Retinopathy) ដែលអាចបណ្តាលឱ្យមានការខ្សោយគំហើញធ្ងន់ធ្ងរ និងអាចនាំទៅដល់ការពិការភ្នែក។


Retinopathy កើតឡើងនៅពេលសរសៃឈាមតូចៗនៅផ្នែកខាងក្រោយនៃអ្នកបើកឬស្ទះ ដែលធ្វើឱ្យខូចខាតដល់រំទីន (Retina)។ ប្រសិនបើរកឃើញទាន់ពេលវាអាចព្យាបាលបានតាមរយៈការផ្លាស់ប្ដូររបបអាហារ ឬដោយការវះកាត់ប្រើកាំរស្មីឡាហ្សី។ បញ្ហានេះត្រូវបានគអះអាងថាការខូចខាតបណ្តាលឱ្យពិការភ្នែកនេះអាច បណ្តាលមកពីកង្វះអុកស៊ីហ្សែនទៅចិញ្ចឹមរ៉េទីន ។ 

នេះជាបញ្ហាទូទៅមួយរបស់អ្នកជំងឺទឹកនោមផ្អែម ព្រោះពួកគេតែងទទួលរងទុក្ខទោសពីការចុះខ្សោយរំហូរឈាម ដែលជាលទ្ធផលកាត់បន្ថយអុកស៊ីហ្សែនដែលត្រូវទៅសព្វសរពាង្គកាយ។ វាក៏ជាបញ្ហាជាក់លាក់មួយផងដែរ នៅពេលយប់ ព្រោះថា ភ្នែកប្រើប្រាស់អុកស៊ីហ្សែនច្រើននៅពេលងងឹតដូចនេះ ប្រសិនរំហូរនៃអុកស៊ីហ្សែនមានកម្រិតថយចុះនោះនាំឱ្យមានការប្រឈមមុខ នឹងការខូចខាតដល់ភ្នែក ។

សាស្ត្រាចារ្យ នីវីល ដាសដូ (Neville Drasdo) និងសហការីជឿជាក់ថាការទុកភ្លើងបើកបំភ្លឺនៅពេលយប់អាចកាត់បន្ថយការនឿយហត់របស់ភ្នែកដោយការប្រឹង ឬការប្រឈមមុខការកើតមានជំងឺលើរ៉េទីន ព្រោះការជួយកាត់បន្ថតម្រូវការអុកស៊ីហ្សែនរបស់ភ្នែក និងកាត់បន្ថយការប្រឈមមុខនឹងការខូចខាត។ អ្នកស្រី ស៊ូសាន លូខាស (Suzanne Lucas) នៃសមាគមអ្នកជំងឺទឹកនោមផ្អែមបានស្វាគមន៍ការរកឃើញនេះ តែបាននិយាយថាការស្រាវជ្រាវថែមទៀត និងធំជាងនេះត្រូវធ្វើឡើង។ វាជាការស្រាវជ្រាវដ៏សំខាន់ព្រោះជំងឺ (Retinopathy) លើអ្នកជំងឺទឹកនោមផ្អែមជាផលវិបាកដ៏ធ្ងន់ធ្ងរមួយសម្រាប់អ្នកជំងឺទឹកនោមផ្អែម៕